recent
أخبار ساخنة

رجل تقوده شهوته.. أصاب زوجته سرطان الثدي وكل همه أصبح "الاستمتاع في العلاقة" !!

الصفحة الرئيسية

 

رجل تقوده شهوته..

مراتي جالها كانسر في الثدي ومابقتش مبسوط معاها في العلاقة الزوجية!

"انا متجوز مراتي بقالي 12 سنة ...هي احقاقا للحق كانت بتعمل كل الخير معايا وبتدعمني وواقفة في ضهري...لكن بصراحة شديدة انا اتجوزت زوجتي لانها فائقة الجمال ... كانت جميلة جدا وجمالها كان ملفت لكل الناس
فجأة من حوالي سنة جالها كانسر في الثدي... عملنا العملية وكنت معاها لكن بصراحة بعد العملية مش حاسس ان دي الست اللي اتجوزتها..مش عارف اجيبها لحضراتكم ازاي"
المذيعة: هي اللي جابت لنفسها الكانسر؟
المتصل: لا انا مقلتش كده... هي اللي جابته ولا حد بعتهولها... انا بتكلم ان انا كراجل مش مستمتع في الفراش...انا مش مستمتع بمراتي بعد ما شكلها اتغير... انا وقفت جنبها جامد جدا مسبتهاش ولا تخليت عنها...بس انا دلوقتي مش مرتاح ...هل اغلط يعني؟
المذيعة: يعني عايز تنفصل يعني ولا عايز ايه؟
المتصل: لا انا مش عايز انفصل...انا كلمتها اني عايز اتجوز وهراعيها برضه واراعي الولاد...بس احس اني كراجل مبسوط في بيتي والفراش بتاعي
المذيعة: فكرت في الاثر النفسي عليها...فضيلة الشيخ هيرد عليك بس انا بسألك هل فكرت في الاثر النفسي عليها ان دي حاجة مالهاش ايد فيها ده ابتلاء من عند الله سبحانه وتعالى..تكون دي النتيجة تتجوز عليها
المتصل: انا كمان مليش ذنب...انا اتجوزتها بسبب جمالها الفائق
الشيخ: الموضوع له 3 جوانب... من الناحية الفقهية والجزء التاني نصيحة اخوية والتالت نصيحة للناس كلها
للناس كلها الرسول عليه الصلاة والسلام قال تنكح المرأة لاربع
لمالها وجمالها ونسبها ودينها فاظفر بذات الدين تربت يداك...يعني الاهم الدين
انما انت اتجوزتها لسبب واحد فقط وهو الجمال يبقى انت كنت طالب جزئية معينة
راح الجمال..فين المودة والرحمة فين السكن فين الميثاق الغليظ
من الناحية الفقهية مقدرش احرم لك الحلال
نصيحة اخوية بقى انا لو مكانك مستحيل افكر كده
مش هقولك اكبت شهواتك ولا اكبت نفسك...انت راجل اتجوزت 12 سنة كنت عايش فيهم ملك ...متمتع بيها فهي ابتليت اتلاء مالهاش فيه دخل
انت المقصود بالابتلاء كمان
هي ابتليت ورضيت وانتهى حتى لو هتنفصل عنك هتعيش احسن ..اللي ربنا هيحطه في قلبها من الرضا احسن 100 مرة من الف زوج
ولكن بقولك حط نفسك مكانها... لو انا على خلاف مع مراتي وكنت ناوي اطلقها قبل الابتلاء وحصل كده مستحيل افكر اطلقها...ليه؟ ... رحمة بها ولطفا بها واني اكون حساس بها
الرسول عليه الصلاة والسلام كان رحيم بالطير ...دي انسانة عشت معاها واطلعت عليها
متزعلش مني بالله عليك ما تكسر قلبها ...تاجر مع ربنا انك تقف جنبها
ربنا بيختبرك بيها
المذيعة: فضيلة الشيخ ..لو كان هو اللي ابتلى كانت هي هتقول اطلق علشان اتجوز؟
الشيخ: مستحيل...رغم ان فيه تجاوزات من بعض النساء ولكن بقول مستحيل ليه لان النساء عند الشدة بيتحكم فيها قلبها الرحيم بتنسى كل خلاف
لو انت اللي مكانها ...تخيل لو قالت اتطلق علشان اتجوز مش ممكن انت تروح فيها؟
النهاردة مش موضوع حلال وحرام وفتوى
الزواج مش شهوة
الزواج ده رحمة
الراحمون يرحمهم الرحمن ...ارحمها والطف بها وربنا هيرحمك في الدنيا والاخرة
والله لو عملت كده وكسرت قلبها انا اخاف عليك من اللي ممكن يحصل لك لان الله سبحانه وتعالى مع المنكسرة قلوبهم والله اعلم.

google-playkhamsatmostaqltradent